Hadith

Hadith

 میت کا دفن کرنے والے کے جوتوں کی آہٹ سننا 

یہ مضمون درج ذیل احادیث میں آیا ہے ۔۔۔

١۔۔۔۔۔ حضرت انس رضی اللہ تعالی عنہ کی حدیث پہلے گزر چکی ہے، جس میں یہ الفاظ ہیں:- 

”قال العبد اذا وضع فی قبرہ وتولی وذھب اصحابہ حتی انہ لیسمع قرع نعالہم“ 

(بخاری ١،١٧٨۔ ١٨٣، مسلم  ٢، ٣٨٦، ابو داٶد ٢، ٦٥٤، نساٸی ١، ٢٨٨، شرح السنہ ٥، ٤١٥، ابن حبان ص ٤٩ ج ٦ ) 

ترجمہ :- مردہ جب قبر میں رکھ دیا جاتا ہے اور اس کو دفن کرنے والے واپس لوٹتے ہیں یہاں تک کہ وہ ان کے قدموں کی آہٹ سنتا ہے ۔

٢۔۔۔۔۔ حضرت ابو ھریرہ رضی اللہ تعالی عنہ کی حدیث کے الفاظ یہ ہیں ۔۔

”قال فیجلس قال ابو ھریرة فانہ یسمع قرع نعالھم “ 

(عبد الرزاق ٣،٥٦٧) 

ترجمہ :- اسے بٹھایا جاتا ہے ، حضرت ابو ھریرہ رضی اللہ تعالی عنہ فرماتے ہیں کہ پہر وہ (دفن کرکے لوٹنے والوں کے) قدموں کی آھٹ سنتا ہے ۔۔

٣۔۔۔۔۔ مسند احمد کے الفاظ یہ ہیں ۔۔

”قال ان المیت الیسمع خفق نعالھم اذا ولوا مدبرین“ 

(مسند احمد ص ٤٤٥ ج ٢، حاکم ١، ٣٧٩۔ ٣٨٠، وقال صحیح علی شرط مسلم واقرہ الذہبی، ابن حبان ٦، ٤٥۔٤٨، موارد الطمان ١٩٦۔١٩٧، مجمع ص ٥٤ ج ٣، اتحاف ج ١٠ ص ٤١٩) 

ترجمہ:- جب لوگ مردہ کو دفن کرکے واپس لوٹتے ہیں تو وہ ان کے قدموں کی آھٹ سنتا ہے۔۔

حضرت ابو ھریرہ رضی اللہ تعالی عنہ کی ایک دوسری روایت کے الفاظ یہ ہیں۔۔۔

”ان المیت یسمع حس النعال اذا ولو عنہ مدبرین“ 

(شرح السنہ ٥،٤١٣) 

ترجمہ:- بے شک میت جوتوں کی آھستہ سی آہٹ کو بھی سنتا ہے جب لوگ اسے دفن کرکے واپس لوٹتے ہیں۔۔۔۔۔